«Arsenal» bosh murabbiyi Mikel Arteta Yevropa ligasining 1/16 final bosqichi doirasida bo‘lib o‘tgan «Olimpiakos»ga qarshi o‘yin (1:0) borasida o‘z fikrini bildirib o‘tdi.

«Bu ajoyib natija. Birinchidan, safarda g‘alaba qozondik. Ikkinchidan, biz shunday stadionga tashrif buyurib, zafar quchdik. Yigitlarga rahmat aytaman.

Dastlabki 10 daqiqa davomida qiynaldik. Biz haddan tashqari ko‘p to‘pni yo‘qotdik va o‘z o‘yinimizni yo‘lga qo‘ya olmadik. Ikkinchi bo‘limda esa, standartlarni inobatga olmaganda, o‘yinni yaxshiroq nazorat qildik.

Ushbu to‘qnashuvda holatimizni yaxshilab olishimiz mumkin edi. Bizda gol urish uchun yana imkoniyatlar bo‘ldi, o‘yinchilardan to‘pni darvozaga yo‘llashini kutgan edim.

O‘yindan o‘yinga yaxshilanib boryapmiz. Ko‘p jihatlarimizni yaxshilashimiz kerak. Hali o‘yinni nazorat qilishga va raqibga bosim o‘tkazishimizga xalal beradigan tomonlarimiz mavjud. Lekin biz sidqidildan o‘ynayapmiz. O‘yin so‘ngiga kelib 3 nafar futbolchimizning tomiri tortishib qoldi», – dedi Arteta.