Kataloniyaning «Barselona» klubi prezidenti Xosep Mariya Bartomeu La Liga “Barselona”ga yangi hujumchi sotib olishga ruxsat berib, «Leganes» klubiga zarar yetkazganini tan oldi.
— Biz qoida bo‘yicha belgilangan mablag‘ni to‘lab berdik, — dedi Bartomeu Breytueytning transferi borasida. — Biroq, bu qoida qayta ko‘rib chiqilishi kerak deb hisoblaymiz. «Leganes» yangi futbolchi bilan shartnoma imzolay olmasligi adolatsizlik. Biz bir nechta futbolchilarni tahlil qilib chiqdik va Martinning variantida to‘xtadik. U kelajakda jamoamizga yordam berishiga ishonamiz”-dedi prezident.
