Koronavirus tufayli Italiyadagi ushbu haftadagi barcha futbol o‘yinlari bekor qilinishi mumkin. Bu haqda Italiya premyer-ministr Juzeppe Konte ma’lumot tarqatdi.

«Sport musobaqalarini qayta davom ettirish uchun bir haftada infeksiyaga barham bera olmasak kerak. Biz vaziyatni nazoratda ushlab turibmiz va bundan keyin ham holatga baho berishda davom etamiz. Ko‘ramiz, infeksiya o‘zini qanday tutarkan. Shundan kelib chiqib o‘yinlarni keyingi haftaga qoldirish kerakmi yoki yo‘qmi, bir qarorga kelamiz», – dedi Konte RAI telekanaliga bergan intervyusida.

Eslatib o‘tamiz, koronavirus sababli Italiya A seriyasining 25-turidan o‘rin olgan 4ta o‘yin o‘yin — «Inter» – «Sampdoriya», «Atalanta» – «Sassuolo», «Verona» – «Kalyari» va «Torino» – «Parma» boshqa muddatga qoldirildi.