Ma’lumki, joriy yil Yaponiyaning Tokio shahrida XXXII Olimpiya va XVI Paralimpiya o‘yinlari bo‘lib o‘tadi. Ayni vaqtda mamlakatimiz bo‘ylab mazkur sport bayramiga ham katta tayyorgarlik ishlari olib borilmoqda.

Tokio Olimpiadasiga ham oz fursat qoldi. Unda atletlarimizning munosib ishtiroklarini ta’minlash, ular uchun barcha qulayliklardagi o‘quv-mashg‘ulot yig‘inlarini tashkil qilish O‘zbekiston Milliy olimpiya qo‘mitasi hamda Jismoniy tarbiya va sport vazirligi oldida turgan asosiy vazifadir. Shu maqsadda MOQ qoshida mazkur rejalarni muvofiqlashtirish bo‘yicha Tezkor shtab tashkil qilindi. Ushbu shtab tarkibiga sport sohasida ulkan tajribaga ega bo‘lgan menejerlar, malakali mutaxassislar jalb qilingan. 26 fevral kuni soat 15:00 da MOQ majlislar zalida Tezkor shtab faoliyatiga bag‘ishlangan matbuot-anjumani bo‘lib o‘tadi.

Shuningdek, tadbir davomida Tokio-2020 Olimpiya va Paralimpiya o‘yinlarida O‘zbekiston delegasiyasi uchun maxsus ishlab chiqarilgan sport ekipirovkalari hamda rasmiy liboslarining taqdimot marosimi ham o‘tkaziladi.

MOQ mazkur tadbirga barcha turdagi OAVni taklif qiladi.