Angliyaning «Liverpul» klubi sobiq himoyachisi Djeymi Karragerning fikricha, «qizillar» muxlislari jamoa hujumchisi Muhammad Salohni kamsitishmoqda.

— O‘ylaymanki, Muhammad Saloh dunyoning yuqori saviyali futbolchilari orasidan joy oladi, lekin «Liverpul» muxlislari orasida uni kamsitadiganlari ham bor. Albatta, uning jamoadagi birinchi mavsumida o‘yini yorqin chiqmadi, ammo unga hech kim bir mavsumda 47 ta gol kiritish vazifasini qo‘ymagandi. Agar muxlislar Aleksandr-Arnold, van Deyk, Mane, Firminolarga katta pul taklif qilishsa, ular yo‘q degan bo‘lardi. Ular hech qachon Allison yoki van Deykni sotmaganlar, lekin siz Saloh uchun 130 million funt taklif qilsangiz, ular o‘ylanib qolgan bo‘lardi. «Liverpul»ga yana bitta hujumchi kerak, chunki, Saloh Olimpiada, undan keyin esa Afrika Millatlar Kubogiga yo‘l oladi. Maneda ham xuddi shunday holat. Shuning uchun Yevrokubok o‘yinlari uchun Divok Origining o‘zini olib ketish yetarli emas. Shu sababli, jamoa futbolchilarini sotish haqida o‘ylamaslik kerak, - Karragerning so‘zlaridan iqtibos keltirmoqda Sky Sports.