Agar, masalan «Milan» yakshanba kuni “Jenoa” klubiga qarshi bo‘lib o‘tgan o‘yinda muxlislarning pullarini qaytarib berish tartibini ishlab chiqqan bo‘lsa, «Yuventus» boshqa yo‘lni tanladi.

1 mart kuni “Yuventus” klubining “Inter” jamoasiga qarshi bo‘ladigan uchrashuvi koronavirus sababli, bo‘sh tribunada o‘tkazilishi sababli, klub rahbariyati ishqibozlarning sotib olgan chiptalari pulini qaytarib bermaslikka qaror qildi deya xabar tarqatmoqda La Gazzetta dello Sport.

Gap 3 million yevrodan ziyodroq summa haqida ketmoqda.

Aslida bu klub qoidalariga zid emas, ammo, manbaning aytishicha, monopoliyaga qarshi kurash bo‘limi bu vaziyatni sinchkovlik bilan o‘rganib chiqadi.