O‘zbekiston Superligasi 1-turidan o‘rin olgan “Lokomotiv” hamda “Andijon” o‘rtasidagi o‘yin yakunlandi. O‘yindan keyingi matbuot anjumanining ikkinchi qismida “temiryo‘lchilar” ustozi Andrey Fyodorov ishtirok etdi.

“Avvalo barchangizni yangi chempionat bilan tabriklayman. Bugungi o‘yindan emas, natijadan qoniqdim. Mavsumning birinchi turida yaqqol yetakchi jamoalar bo‘lmaydi. Yaratgan vaziyatlarimiz menga yoqdi. Oldimiz o‘yin suratini oshirish va sifatli o‘yin namoyish etishimiz ustida ishlashimiz kerak. Jamoamiz keskin yangilandi. Shu sababli, hali qiladigan ishlarimiz ko‘rinib turibdi.

Samarali o‘yinni men ham xohlayman. Agar har bir uchrashuvda 2:1 hisobida yutaversak, bundan faqat xursand bo‘laman.

“Lokomotiv” birinchi bo‘limga qaraganda ikkinchi taymda yomon o‘ynamadi, faqat “Andijon” ko‘proq to‘p bilan muomilada bo‘ldi. 2:0 hisobida oldinda borayotganimiz uchun taktik o‘zgarish qildik, shu sababli, o‘yinimizda pasayish kuzatilgandek tuyulgandi, lekin pasaymadi.

Hammaning o‘z fikri bor. Shu tarkibimiz bilan ham chempionlik uchun kurasha olamiz. Sizning fikringizcha “Loko”ning tarkibi kuchsiz, lekin men unday demagan bo‘lardim. Maxaradze hali tzliq o‘z formasiga qaytmadi, shu sabab u himoyada o‘ynamoqda. Chunki yarim himoyada o‘ynash uchun ko‘p kuch kerak bo‘ladi. Hozircha bunga uning kuchi yetmayapti.

Namanganda bo‘ladigan uchrashuvni qiziqarli bo‘ladi deb o‘ylayman. Ko‘pgina muxlislar oldida o‘ynash maroqli, u uyda bo‘ladimi, safarda bo‘ladimi farqi yo‘q.