Italiyaning «Milan» klubi direktori Zvonimir Boban joriy mavsumda Italiya Kubogida g‘olib chiqish niyatida ekanligini aytib o‘tdi.
«Avvalo joriy mavsumni muvaffaqiyatli yakunlanishimiz kerak, Shundan keyingina biz hozirgi haqiqiy darajamizni baholash imkoniyatiga ega bo‘lamiz. Gap bu jamoa bilan biror bir natijaga erishish haqida ketmayapti, ammo, biz Italiya Kubogi g‘olibligini ko‘zlayapmiz. «Milan» klub darajasida hech bo‘lmaganida ichki sovrinlar uchun kurash olib borishi kerak.
Ayni paytda “Milan” o‘z tarixidagi eng yomon davrlarni boshdan kechirayotganini, barchamiz – rahbariyat va murabbiylar shtabi yaxshi tushunib turibmiz. Lekin o‘zimizga bo‘lgan ishonchni saqlab qolishimiz kerak. Biz eng yuqori maqsadlar sari intilishga harakat qilamiz», — dedi Zvonimir Boban.
