Италиянинг «Милан» клуби директори Звонимир Бобан жорий мавсумда Италия Кубогида ғолиб чиқиш ниятида эканлигини айтиб ўтди.
«Аввало жорий мавсумни муваффақиятли якунланишимиз керак, Шундан кейингина биз ҳозирги ҳақиқий даражамизни баҳолаш имкониятига эга бўламиз. Гап бу жамоа билан бирор бир натижага эришиш ҳақида кетмаяпти, аммо, биз Италия Кубоги ғолиблигини кўзлаяпмиз. «Милан» клуб даражасида ҳеч бўлмаганида ички совринлар учун кураш олиб бориши керак.
Айни пайтда “Милан” ўз тарихидаги энг ёмон даврларни бошдан кечираётганини, барчамиз – раҳбарият ва мураббийлар штаби яхши тушуниб турибмиз. Лекин ўзимизга бўлган ишончни сақлаб қолишимиз керак. Биз энг юқори мақсадлар сари интилишга ҳаракат қиламиз», — деди Звонимир Бобан.
