Superliganing 1-turidan o‘rin olgan AGMK hamda «Metallurg» jamoalari o‘rtasidagi o‘yindan keyin olmaliqliklar ustozi Mirjalol Qosimov qo‘yidagi fikrlarni bildirib o‘tdi.

«Avvalambor 2020 yilgi futbol mavsumi boshlangani bilan muxlislar va futbol jamoatchiligini tabriklayman. "Metallurg"ga qarshi bahs kutilganidek  qiyin o‘yin bo‘ldi.  O‘yinning dastlabki qismida yomon taassurot qoldirmadik. Bir nechta vaziyatlar bo‘ldi va gol urdik. Goldan keyin ham raqib darvozasini ishg‘ol etish uchun vaziyatlar yaratildi. Lekin bu vaziyatlarni golga aylantira olmadik. "Metallurg" esa bizni qarshi hujumda jazoladi. Ikkinchi taymda hech qaysi jamoa yutqazishni xohlamadi, bahs jangovor ruhda kechdi. Mavsumning ilk uchrashuvi bo‘lgani tufayli futbolchilarda qandaydir hayajon ham sezildi. O‘z uyimizda g‘alaba qozonishimiz kerak edi. Lekin bugungi uchrashuvdagi durang natijasi adolatli bo‘ldi.

Hisob ochilganidan keyin natijani ushlab qolishni emas, yana gol urishga harakatni kuchaytirish lozim edi. Futbolda ozgina xotirjamlikka berilish ham yaramaydi. Bir zum xotirjamlikka berilish ham qimmatga tushishi mumkin. Aynan shu narsa bugun pand berdi. Futbol shunisi bilan ham qiziq".