Italiyaning "Napoli" klubi matbuot kotibi Nikola Lombardo A Seriya doirasida bo‘lib o‘tishi kerak bo‘lgan "Yuventus" hamda "Inter" jamoalari o‘rtasidagi uchrashuvni boshqa kunga qoldirilganiga munosabat bildirdi.
"Biz juda yomon vaziyatda qoldik. Koronavirus - global maummoga aylandi. A Seriya rahbarlarining qarorlarini hurmat qilish kerak, lekin futbol himoya qilinishi kerak bo‘lgan sohadir.
O‘ylaymanki, agar "Yuventus" - Inter" jamoalari o‘rtasidagi uchrashuv 4 mart kuniga qoldirilganida bu barcha manfaatdor tomonlar uchun adolatli qaror bo‘lgan bo‘lardi. Italiya Kubogining ikkita yarim final uchrashuvlarini bemalol may oyiga qoldirish mumkin edi", - dedi Lombardo Radio Kiss Kiss efirida.
Eslatib o‘tamiz, ushbu uchrashuv 1 mart kuni bo‘lib o‘tishi kerak edi, lekin koronavirus sababli, liga rahbariyati o‘yinni 13 may kuniga qoldirishga qaror qildi. Shu sababli, Italiya Kubogining yarim final o‘yinlari 20 mayga kuniga qoldirildi.
