Италиянинг "Наполи" клуби матбуот котиби Никола Ломбардо А Серия доирасида бўлиб ўтиши керак бўлган "Ювентус" ҳамда "Интер" жамоалари ўртасидаги учрашувни бошқа кунга қолдирилганига муносабат билдирди.
"Биз жуда ёмон вазиятда қолдик. Коронавирус - глобал мауммога айланди. А Серия раҳбарларининг қарорларини ҳурмат қилиш керак, лекин футбол ҳимоя қилиниши керак бўлган соҳадир.
Ўйлайманки, агар "Ювентус" - Интер" жамоалари ўртасидаги учрашув 4 март кунига қолдирилганида бу барча манфаатдор томонлар учун адолатли қарор бўлган бўларди. Италия Кубогининг иккита ярим финал учрашувларини бемалол май ойига қолдириш мумкин эди", - деди Ломбардо Radio Kiss Kiss эфирида.
Эслатиб ўтамиз, ушбу учрашув 1 март куни бўлиб ўтиши керак эди, лекин коронавирус сабабли, лига раҳбарияти ўйинни 13 май кунига қолдиришга қарор қилди. Шу сабабли, Италия Кубогининг ярим финал ўйинлари 20 майга кунига қолдирилди.
