Italiya futbol federasiyasi va A seriya Italiya chempionati doirasida qoldirilgan o‘yinlarning yangi sanasi borasida kelishuvga erishdi. Bu haqda La Gazzetta dello Sport xabar tarqatdi.

Dastlab 26-turdan o‘rin olgan «Yuventus» – «Inter», «Milan» – «Jenoa», «Parma» – SPAL, «Sassuolo» – «Breshiya», «Sampdoriya» – «Verona» va «Udineze» – «Fiorentina» uchrashuvlari 13 mayga qoldirilgan edi.

Italiya futboli rahbarlari va klublar vakillari o‘rtasida bo‘lib o‘tgan uchrashuvda qoldirilgan o‘yinlarni mart oyida o‘tkazish borasida qaror qabul qilingan. Shu tariqa, «Yuventus» va «Inter» o‘rtasidagi uchrashuv 9 mart kuni o‘tkazilishi mumkin.

Boshqa qoldirilgan o‘yinlarning yangi sanalari quyidagicha:

7 mart
«Sampdoriya» – «Verona»

8 mart
«Udineze» – «Fiorentina»

9 mart
«Milan» – «Jenoa»
«Parma» – SPAL
«Sassuolo» – «Breshiya»