Италия футбол федерацияси ва А серия Италия чемпионати доирасида қолдирилган ўйинларнинг янги санаси борасида келишувга эришди. Бу ҳақда La Gazzetta dello Sport хабар тарқатди.

Дастлаб 26-турдан ўрин олган «Ювентус» – «Интер», «Милан» – «Женоа», «Парма» – СПАЛ, «Сассуоло» – «Брешия», «Сампдория» – «Верона» ва «Удинезе» – «Фиорентина» учрашувлари 13 майга қолдирилган эди.

Италия футболи раҳбарлари ва клублар вакиллари ўртасида бўлиб ўтган учрашувда қолдирилган ўйинларни март ойида ўтказиш борасида қарор қабул қилинган. Шу тариқа, «Ювентус» ва «Интер» ўртасидаги учрашув 9 март куни ўтказилиши мумкин.

Бошқа қолдирилган ўйинларнинг янги саналари қуйидагича:

7 март
«Сампдория» – «Верона»

8 март
«Удинезе» – «Фиорентина»

9 март
«Милан» – «Женоа»
«Парма» – СПАЛ
«Сассуоло» – «Брешия»