Angliyaning "Manchester Siti" klubi anchadan beri Turinning «Yuventus» klubi yarim himoyachisi Rodrigo Bentankurni kuzatib kelmoqda.

Italiya OAVsi tarqatgan ma’lumotga qaraganda, «Manchester Siti» hali Rodrigo Bentankurni sotib olish fikridan qaytmagan. 22 yoshli yarim himoyachiga «Manchester Siti» klubi 2019 yilning yozida ham xaridor bo‘lgan, lekin o‘sha paytda «Yuventus» rad javobini bergan edi.

Qishda ham «Siti» Bentankurni sotib olishni o‘yladi, lekin rahbariyati qishda futbolchilar sotib olishni ma’qul ko‘rmadi va bu safar ham ushbu transfer amalga oshmay qoldi.

«Manchester Siti» shu yilning yozida Rodrigoni sotib olishga katta kuch sarflamoqchi. «Shaharliklar» futbolchining transfer bahosi 40 million yevrodan oshmaslikka umid qilishmoqda.