UYEFA koronavirus sababli Yevro-2020 o‘yinlarini boshqa shaharlarga ko‘chirish niyatida emas. Bu haqda UYEFA bosh kotibi Teodor Teodoridis Amsterdam shahrida bo‘lib o‘tgan kongressda aytib o‘tdi.
Yevropa chempionati o‘yinlari 12 iyundan 12 iyulacha Yevropaning 12 ta shaharlarida bo‘lib o‘tadi. Yevropa chempionati o‘yinlarini Sankt-Peterburg, London, Myunxen, Baku, Rim, Buxarest, Dublin, Kopengagen, Bilbao, Glazgo, Budapesht va Amsterdam shaharlari qabul qiladi.
"Biz Yevropa chempionati o‘yinlarini boshqa shaharga ko‘chirish variantlarini ko‘rib chiqmayapmiz. Uch-to‘rt oydan keyin nimalar ro‘y berishini gapirishga hali erta", - dedi Teodoridis.
