УЕФА коронавирус сабабли Евро-2020 ўйинларини бошқа шаҳарларга кўчириш ниятида эмас. Бу ҳақда УЕФА бош котиби Теодор Теодоридис Амстердам шаҳрида бўлиб ўтган конгрессда айтиб ўтди.
Европа чемпионати ўйинлари 12 июндан 12 июлача Европанинг 12 та шаҳарларида бўлиб ўтади. Европа чемпионати ўйинларини Санкт-Петербург, Лондон, Мюнхен, Баку, Рим, Бухарест, Дублин, Копенгаген, Бильбао, Глазго, Будапешт ва Амстердам шаҳарлари қабул қилади.
"Биз Европа чемпионати ўйинларини бошқа шаҳарга кўчириш вариантларини кўриб чиқмаяпмиз. Уч-тўрт ойдан кейин нималар рўй беришини гапиришга ҳали эрта", - деди Теодоридис.
