«Chelsi» bosh murabbiyi Frenk Lempard Angliya kubogi nimchorak final bosqichi doirasida bo‘lib o‘tgan «Liverpul»ga qarshi o‘yin (2:0) borasida o‘z fikrini bildirib o‘tdi.

O‘yin haqida
«Faxr tuyg‘usini his qilyapman. «Liverpul» – chempionatning eng yaxshi klubi. Ular amalga oshirayotgan ish — aqlbovar qilmas darajada. Shuning uchun bu jamoaga qarshi bugungidek o‘yin namoyish qilish muhim ahamiyatga ega. Mavsum oxiriga qadar hali olis yo‘l kutib turibdi, ammo bunday vaziyatni bayram qilsak arziydi».

Billi Gilmur haqida
«Yosh futbolchining o‘yini ajoyib bo‘ldi. U menga o‘tgan davrning yarim himoyachisini eslatdi. U kurashdan oyog‘ini olib qochadimi? Yo‘q. Kerakli joyga ochiladimi? Ha. Uning bo‘yi baland emas, ammo u katta shaxs».

Kepa haqida
«Uning uchun xursandman. U bir nechta yaxshi seyvlarni amalga oshirdi. U o‘yinga yaxshi chog‘landi va yaxshi o‘ynadi», – dedi Lempard.