«Челси» бош мураббийи Фрэнк Лэмпард Англия кубоги нимчорак финал босқичи доирасида бўлиб ўтган «Ливерпуль»га қарши ўйин (2:0) борасида ўз фикрини билдириб ўтди.

Ўйин ҳақида
«Фахр туйғусини ҳис қиляпман. «Ливерпуль» – чемпионатнинг энг яхши клуби. Улар амалга ошираётган иш — ақлбовар қилмас даражада. Шунинг учун бу жамоага қарши бугунгидек ўйин намойиш қилиш муҳим аҳамиятга эга. Мавсум охирига қадар ҳали олис йўл кутиб турибди, аммо бундай вазиятни байрам қилсак арзийди».

Билли Гилмур ҳақида
«Ёш футболчининг ўйини ажойиб бўлди. У менга ўтган даврнинг ярим ҳимоячисини эслатди. У курашдан оёғини олиб қочадими? Йўқ. Керакли жойга очиладими? Ҳа. Унинг бўйи баланд эмас, аммо у катта шахс».

Кепа ҳақида
«Унинг учун хурсандман. У бир нечта яхши сэйвларни амалга оширди. У ўйинга яхши чоғланди ва яхши ўйнади», – деди Лэмпард.