Tez orada YECHL nimchorak finalining javob uchrashuvlari bo‘lib o‘tadi. Juftliklarning aksarida natija e’tiboridan mavhumlik saqlanib qolgan bo‘lsa, ba’zilarida favorit ajralib qoldi. O‘yinlar boshlanguncha ular haqida qisqa fikrlarimni yozib qoldirmoqchiman.

Birinchi seshanba o‘yinlari:

Demak, birinchi bo‘lib 10-fevral kuni bo‘lib o‘tadigan o‘yinlardan boshlaymiz.

“Valensiya” – “Atalanta”: birinchi o‘yin 4:1 hisobida Jan Pyero Gasperini shogirdlari g‘alabasi bilan yakunlandi. Kimdir sezdi yoki sezmadi – “Atalanta” mana ikki mavsumdan buyon Yevropaning eng sermahsul klublaridan biri bo‘lib turibdi. Albert Seladesning “Valensiya”si esa tushunarsiz o‘yin ko‘rsatmoqda. Aslida ma’lum so‘zlar bilan ispan klubining harakatlarini izohlash mumkin. Ammo, bu maqtov so‘zlari bo‘lmasligi aniq. Bu juftlikda hammasi tushunarli – “Atalanta” Yevropaning eng kuchli sakkiz jamoasi ichida bo‘ladi, “agar echki halaqit qilmasa”!

“Leypsig” – “Tottenhem”: Londonda nemis jamoasi minimal ustunlik bilan (0:1) g‘alaba qozondi. Bu yerda biror klubga alohida ustun maqomini berish mushkul. Mourinyo faktori bo‘lmaganda “Leypsig”ni favorit degan bo‘lardim. Birinchi o‘yindagi “Tottenhem”ni bu safar ham kutish noto‘g‘ri bo‘ladi. Joze bunday qiyin vaqtlarda nima deyishni biladigan murabbiy. U yo‘qotishlar bilan zaiflashib qolgan jamoasi holini butkul o‘zgartirib yuborishi mumkin. Yulian Nagelsmann esa noma’lum shaxs. Aksar futbol ishqibozlari uchun u hozircha – nouneym! Agar Bundesliga vakili turnirda yurishini davom ettirsa holat juda qiziq bo‘ladi. Yevropaning eng kuchli sakkiz jamoasidan ikkisi – “Atalanta” va “Leypsig”. Qizig‘-a?!

Bular taxminlar xolos. Hammasi amalda qanday bo‘lishi birgalikda biliib olamiz. UzReport TV va Futbol TV xizmatingizda, doimgidek.

Orif Tolipov.