Тез орада ЕЧЛ нимчорак финалининг жавоб учрашувлари бўлиб ўтади. Жуфтликларнинг аксарида натижа эътиборидан мавҳумлик сақланиб қолган бўлса, баъзиларида фаворит ажралиб қолди. Ўйинлар бошлангунча улар ҳақида қисқа фикрларимни ёзиб қолдирмоқчиман.

Биринчи сешанба ўйинлари:

Демак, биринчи бўлиб 10-февраль куни бўлиб ўтадиган ўйинлардан бошлаймиз.

“Валенсия” – “Аталанта”: биринчи ўйин 4:1 ҳисобида Жан Пьеро Гасперини шогирдлари ғалабаси билан якунланди. Кимдир сезди ёки сезмади – “Аталанта” мана икки мавсумдан буён Европанинг энг сермаҳсул клубларидан бири бўлиб турибди. Альберт Селадеснинг “Валенсия”си эса тушунарсиз ўйин кўрсатмоқда. Аслида маълум сўзлар билан испан клубининг ҳаракатларини изоҳлаш мумкин. Аммо, бу мақтов сўзлари бўлмаслиги аниқ. Бу жуфтликда ҳаммаси тушунарли – “Аталанта” Европанинг энг кучли саккиз жамоаси ичида бўлади, “агар эчки ҳалақит қилмаса”!

“Лейпциг” – “Тоттенҳэм”: Лондонда немис жамоаси минимал устунлик билан (0:1) ғалаба қозонди. Бу ерда бирор клубга алоҳида устун мақомини бериш мушкул. Моуриньо фактори бўлмаганда “Лейпциг”ни фаворит деган бўлардим. Биринчи ўйиндаги “Тоттенҳэм”ни бу сафар ҳам кутиш нотўғри бўлади. Жозе бундай қийин вақтларда нима дейишни биладиган мураббий. У йўқотишлар билан заифлашиб қолган жамоаси ҳолини буткул ўзгартириб юбориши мумкин. Юлиан Нагельсманн эса номаълум шахс. Аксар футбол ишқибозлари учун у ҳозирча – ноунейм! Агар Бундеслига вакили турнирда юришини давом эттирса ҳолат жуда қизиқ бўлади. Европанинг энг кучли саккиз жамоасидан иккиси – “Аталанта” ва “Лейпциг”. Қизиғ-а?!

Булар тахминлар холос. Ҳаммаси амалда қандай бўлиши биргаликда билииб оламиз. UzReport TV ва Futbol TV хизматингизда, доимгидек.

Ориф Толипов.