Ertaga Coca Cola Superliganing 2-tur o‘yinlari start oladi.
«Bunyodkor» 2-turda «Mash’al»ga qarshi maydonga chiqadi. Ertaga mazkur jamoalarning birinchi qarama-qarshiligiga duch kelamiz. Odatdagidek, o‘zaro hisob-kitobni U-18 jamoalari boshlab beradi. O‘yin ertaga, 5 mart kuni «Bunyodkor» akademiyasidagi 5-raqamli sun’iy koplamali maydonda bo‘lib o‘tadi. Uchrashuv soat 15:30da boshlanadi.
Juma, 6 mart kuni endi U-21 yoshlar jamoalari maydonga chiqadi. Mazkur bellashuv ham «Bunyodkor» akademiyasi maydonida o‘tkaziladi. Faqat tomonlar akademiyaning 1-raqamli tabiiy koplamali maydonida hisob-kitob qiladi. Mazkur bellashuv ham soat 15:30da start oladi.
7 mart, shanba kuni endi «Bunyodkor» va «Mash’al» asosiy jamoalari o‘zaro uchrashuvlarga nuqta qo‘yib beradi. Bu bellashuv «Jar» stadionida bo‘lib o‘tadi. O‘yin soat 16:00da boshlanadi. Aytish kerak, barcha bahslarda «Bunyodkor» futbolchilari to‘liq oq, «Mash’al» o‘yinchilari to‘liq ko‘k rangli liboslarda harakat qiladi.
6 mart kuni U-18 jamoalari uchrashuvidan keyin «Bunyodkor» akademiyasidagi 1-raqamli tabiiy qoplamali maydonda «Mash’al»ning asosiy tarkibi o‘yinoldi rasmiy mashg‘ulotini o‘tkazadi.
U-18 BIRINCHILGI
«BUNYODKOR» – «MASH’AL»
5 mart. Toshkent. «Bunyodkor» akademiyasi maydoni. 15:30
U-21 BIRINCHILGI
«BUNYODKOR» – «MASH’AL»
6 mart. Toshkent. «Bunyodkor» akademiyasi maydoni. 15:30
SUPERLIGA-2020
«BUNYODKOR» – «MASH’AL»
7 mart. Toshkent. «Jar» stadioni. 16:00
Bosh hakam: Akobirxo‘ja Shukurullayev.
Qanot hakamlari: Baxtiyorxo‘ja Shavkatov, Sultonmurod Ulfatov.
Zaxiradagi hakam: Ibrohim Ismoilov.
Nazoratchi: Dmitriy Roman.
Komissar: Ramil Ilyasov.
