422 kun va 44ta uchrashuv...
"Liverpul"ning mag‘lubiyatsiz seriyasi yakuniga yetdi. Ketma-ket 19-g‘alaba qo‘lga kiritilmadi. Mersisaydliklar uchun mavsumdagi eng og‘ir damlar boshlandi...
Biroq bu seriya uzoqqa cho‘zilib ketmasligi uchun jamoada 29-turda ajoyib imkoniyat bor. Navbatdagi raqib "Bornmut". So‘ngi 5ta o‘yinda 17:0 hisobida yengilgan raqibga qarshi uchrashuvda Yurgen Klopp shogirdlari o‘zlariga bo‘lgan ishonchni qaytarishlari shart. "Atletiko"ga qarshi bahsdan oldin ishonch juda muhim...
Elitada qolish eng muhimi
"Bornmut"ni APLga olib chiqqan Eddi Hau uni Chempionshipga tushib ketishiga sababchi bo‘lib qolishni istamaydi. 42 yoshli mutaxassis shogirdlari o‘tgan turda "Chelsi"dan qimmatli ochkolarni tortib olgan bo‘lishsada, yana autsayderlar qatoriga tushib qolishdi. Hujumdagi muammolarni sekin-asta bartaraf qila boshlagan jamoa, so‘ngi 17ta o‘yindan faqat 1tasida gol o‘tkazmadi. Himoyada ham muammolar ancha jiddiy. Lekin klub TOPlarga qarshi o‘yinlarda harakter ko‘rsata oladi. Buni "Chelsi", "Man Yunayted", "Arsenal" muxlislaridan so‘rab ko‘rishingiz mumkin)
17:30 FUTBOL TVda "Liverpul" - "Bornmut" uchrashuvida birgamiz...
Hasan Turdaliyev
