Ispaniya chempionatining 27-turidan o‘rin olgan yana bir o‘yin bo‘lib o‘tdi. La liga jadvalida 4-o‘rinda borayotgan "Xetafe" o‘z uyida "Selta"ni qabul qildi. Jamoalar 90 daqiqa davomida o‘z darvozalari daxlsizligini saqlab qolishdi.

Shu tariqa, "Xetafe" 3-o‘ringa ko‘tarilib olish imkoniyatidan foydalana olmagan bo‘lsa, vigoliklar ketma-ket beshinchi o‘yinda mag‘lubiyatga uchrashmadi (2ta g‘alaba, 3ta durang). "Selta" 26 ochko bilan 17-o‘rinni egallab turibdi.

Ispaniya La ligasi, 27-tur
Xetafe – Selta 0:0 (0:0, 0:0)
Xetafe – Soriya, Suares (Kabako, 84), Jene, Echeyta, Nyom, Etebo (Kenedi, 70), Arambarri, Maksimovich, Kukurelya, Molina (Anxel Rodriges, 61), Mata.
Selta – Ruben Blanko, Aydu, Murilyo, Arauxo, Malyo, Bradarich, Yokushlu, Olasa, Rafinya (Mendes, 63), Santi Mina (Sisto, 90), Smolov (Fernandes, 70).
Ogohlantirishlar: Arauxo (32), Kukurelya (45), Maksimovich (54), Arambarri (55), Malyo (57), Ruben Blanko (60), Mata (71), Suares (72), Smolov (74), Fernandes (81).
Chetlatish: Arambarri (82).