Italiyaning “Atalanta” jamoasi YECHL 1/8 bosqichi doirasidagi javob uchrashuvida (3:4) g‘alaba qozonganidan xabaringiz bor. Bo‘m-bo‘sh “Mestalia”da bo‘lib o‘tgan o‘yindan so‘ng, Bergamoliklar ustozi o‘z fikr va mulohazalari bilan o‘rtoqlashdi.

O‘ylashimcha bugungi uchrashuvdagi g‘alabamizda penalti juda katta rol o‘ynadi. Qanchalar harakat qilmaylik birinchi bo‘limda raqib bizdan yaxshiroq o‘yin namoyish etdi. Ikkinchi bo‘limda esa biz ustunlik qildik.

Aslida “Valensiya”ga qarshi uchrashuvlar doimo qiyin o‘tgan. Shunga qaramay, bugun ko‘p narsaning uddasidan chiqdik. Maqsadimiz qanday qilib bo‘lsada g‘alaba qozonish va umumiy natijani o‘zimizning foydamizga hal etish edi.

O‘yinlarda ko‘p gol kiritish normal holat. Men buni xatto o‘zgacha his deb atagan bo‘lar edim. Ayniqsa Yevropa Chempionlar Ligasida urilayotgan gollarning ahamiyati juda katta. Biz ketma-ket 5 ta uchrashuvda g‘olib chiqdik. YECHL esa bizni yanada kuchli jamoaga aylanishimizda qo‘l kelmoqda. Ayni damda erishgan yutuqlarimizdan mamnunmiz.