Angliyaning “Liverpul” jamoasi sardori Jordan Henderson “Atletiko Madrid”ga boy berilgan uchrashuvdan (2:3) so‘ng, o‘z fikr va mulohazalari bilan o‘rtoqlashdi.

Turgan gap-ki bunday natijadan xafamiz. Umumiy qilib aytganda bugun yomon o‘yin o‘tkazmadik. Uchrashuvda to‘liq intensiv futbol namoyish etganimizni va maydonga bor kuchimizni tashlaganimizni hamma ko‘rdi.

Bugungi uchrashuvda qanday gollarni o‘tkazib yuborganimizga inobatga olsak, alamli va hayratli mag‘lubiyatga uchradik. Ha biz o‘yinimizdan qoniqdik, biroq o‘tkazib yuborilgan gollarimiz bizni umidsizlikka tushirib qo‘ydi.

Biz so‘nggi yillarda bir necha bor shunday ahvolga tushib qolganimiz bois, o‘yin davomida konsentrasiyani yo‘qotish qanchalar qimmatga tushishini yaxshi bilar edik. Musobaqadagi ishtirokimizga umumiy baho beradigan bo‘lsam, biz keyingi bosqichga chiqishga haqliroq edi. Bugun Oblak judayam yaxshi o‘yin namoyish etdi va bu yakunda ularga g‘alaba eshiklarini ochdi.

Bizda gol kiritish uchun juda ko‘p imkoniyatlar bo‘ldi, biroq ulardan foydalana olmadik. Agar uchinchi golni darvozaga joylab qo‘yganimizda, barchasiga nuqta qo‘ygan bo‘lar edik. Intriga ham o‘z-o‘zidan yo‘qolgan bo‘lar edi.

Tan olish lozim, juda  yaxshi himoyalanadigan jamoaga qarshi harakat qilish juda mushkul, biroq bugun biz yetarlicha imkoniyatlar yaratdik. Darhaqiqat, bugun va ertaga bu mag‘lubiyatning alamini chuqur his etamiz, biroq aynan shu omil bizga mavsumni ko‘tarinki kayfiyatda yakunlashda qo‘l kelishi mumkin.