Toshkentning "Humo" jamoasi Moskvada "Zvezda" mehmoni bo‘ldi va 3:2 hisobida raqibdan ustun keldi. 15-daqiqada Vladimir Peshexonov hisobni ochgan bo‘lsa, 29-daqiqada Yevgeniy Grigorenko muvozanatni tikladi.

33-daqiqada Maksim Kazakovning uzatmasidan so‘ng Ivan Yasenko mezbonlar darvozasini ishg‘ol qilishga erishdi - 2:1. Oradan 6 daqiqa o‘tib esa Platon Popov "qanotlilar"ning uchinchi shaybasini kiritdi. 

Uchinchi davr to‘liq moskvaliklar ustunligida o‘tdi va 55-daqiqada Sergey Lapin hisobni qisqartirdi, biroq muvozanatni tiklash uchun ularga vaqt kamlik qildi. Shu tariqa Yevgeniy Popixin shogirdlari seriyadagi hisobni 1:1 ko‘rinishga keltirishdi.

Ma’lumot uchun, "Humo" bunga qadar "Zvezda"ga qarshi kechgan 5 ta bellashuvning barchasida (2:7, 2:3 B, 1:2, 0:3, 1:2 OT) ) imkoniyatni boy bergan edi. Bugungi g‘alaba toshkentliklar uchun "armiyachilar" ustidan qozonilgan dastlabki muvaffaqiyat bo‘ldi.