13 mart kuni Coca-cola Superligasi 3-turiga start beriladi. “Ajdarlar” Coca-cola Superligasi 3-turida Termizning “Surxon” jamoasi mehmoni bo‘ladi.

“Surxon” – “Nasaf” uchrashuvi 13 mart juma kuni Termizdagi “Surxon” stadionida bo‘lib o‘tadi. Uchrashuv soat 16:00da boshlanadi.

O‘zaro uchrashuvlar tarixidan

Mazkur klublar O‘zbekiston chempionatida shu kungacha 18 bor kuch sinashishgan. Natijalar “ajdarlar” ning ustunligini ko‘rsatmoqda. Bo‘lib o‘tgan 14 uchrashuvda “Nasaf”, 1 o‘yinda esa “Surxon” g‘alabaga erishgan. 3 uchrashuvda durang natijasi qayd etilgan.

To‘plar nisbati 45:14 ga teng. Ustunlik “Nasaf” tarafida.

O‘zaro uchrashuvlarda qayd etilgan eng yuqori hisoblar quyidagicha: “Nasaf” – “Surxon” 5:0, “Surxon” – “Nasaf” 3:1.

Jamoamiz so‘nggi o‘zaro uchrashuvni o‘tgan yili 27 iyul kuni Termizda o‘tkazgan. Bu uchrashuv 1:3 hisobida yakunlangan.

Termizdagi o‘zaro bahslarga oid

Ushbu jamoalar shu paytgacha Termizda 9 bor kuch sinashishgan. 5 uchrashuvda jamoamiz g‘alaba qozongan. 3 uchrashuvda durang qayd etilgan va 1 bir uchrashuvda mezbonlar g‘alaba qozonishgan. Darvozalarga jami 36ta to‘p kiritilgan. To‘plar nisbati 14:22.

E’tiboringizga, Termizda bo‘lib o‘tgan so‘nggi besh uchrashuvning natijalarini havola qilamiz.

27.07.2019 Surxon–Nasaf 1:3
23.10.2004 Surxon–Nasaf 0:5
02.11.2003 Surxon–Nasaf 1:2
30.06.2002 Surxon–Nasaf 2:3
10.06.2001 Surxon–Nasaf 2:4