Italiyaning «Inter» klubi prezidenti Stiven Chjan 300 ming dona niqob sotib oldi va Italiya Sog‘liqni Saqlash Vazirligiga topshirdi.

Ayni paytda Italiyada 15 ming nafardan ziyodroq inson koronavirusdan jabr chekmoqda. 1016 nafar inson esa hayotdan ko‘z yumdi. "Inter" prezidenti vaziyatni qiyin ekanligini ko‘rib turibdi va shuning uchun 300 dona niqob hadya qilishni maqul deb topdi.

«Hozir Italiyada vaziyat jiddiy, shu sababli, klubimiz prezidenti yordam berishni afzal deb bildi. Barcha himoya vositalari tegishli organlarga yetkazildi. Bundan tashqari, Suning kompaniyasi yana kerakli narsalarni yetkazib beradi.

Umid qilamizki, Xitoy tajribasi Italiyaning koronavirus bilan kurashishiga yordam beradi va Italiya bu vaziyatdan tezroq chiqib ketadi», — deyiladi klub bayonotida.