Futbol va futzal bo‘yicha eronlik murabbiy Ahmad Tohiriy koronavurisga chalingani uchun 16 mart kuni hayotdan ko‘z yumdi.

To‘rt oy ilgari mutaxassisning boshidagi o‘simtasini olib tashlash bo‘yicha operasiya qilingan edi. Zaiflashgan organizm esa infeksiyani yengib o‘ta olmadi.

Tohiriy futzal bo‘yicha Eronning ko‘p jamoalarini boshqargan. Shuningdek, u Eron futzal terma jamoasida sport direktori lavozimida ishlagan.

So‘nggi ma’lumotlarga ko‘ra, Eronda virus yuqtirgan odamlar soni 15 mingga yaqinlashgan bo‘lsa, vafot etganlar 853tani tashkil qilmoqda. Mamlakatda 20 aprelga qadar sport musobaqalari bekor qilingan.