"Inter" "Barselona" a’zosi Arturo Vidalni sotib olishga urinib ko‘radi.

O‘tgan qishda "neradzurrilar" ustozi Antonio Konte chililik futbolchini Milanga ko‘chib o‘tishga ko‘ndirishga uringan, ammo 32 yoshli futbolchi buni rad etgandi. Vidal "Barselona"da ko‘proq o‘ynashga umid bog‘lagandi, deb xabar berdi "Sport.es".

Ma’lumotlarga ko‘ra, Konte yozda Vidalni xarid qilishga yana bir bor urinib ko‘radi. Vidal ilgari "Yuventus" safida Konte qo‘l ostida o‘ynagan.

Xabarlarga qaraganda, "Barselona" "Inter" hujumchisi Lautaro Martinesga qiziqyapti. "Inter" esa buning uchun Vidalni talab qilishi mumkin. Bu esa o‘z navbatida Kataloniya klubiga ham qulay bo‘lishi aytilmoqda. Chunki Vidalning qo‘shilishi Martines transferi uchun ketadigan xarajatni 20-25 mln yevroga kamaytirishi mumkin.