"Интер" "Барселона" аъзоси Артуро Видални сотиб олишга уриниб кўради.
Ўтган қишда "нерадзуррилар" устози Антонио Конте чилилик футболчини Миланга кўчиб ўтишга кўндиришга уринган, аммо 32 ёшли футболчи буни рад этганди. Видаль "Барселона"да кўпроқ ўйнашга умид боғлаганди, деб хабар берди "Sport.es".
Маълумотларга кўра, Конте ёзда Видални харид қилишга яна бир бор уриниб кўради. Видал илгари "Ювентус" сафида Конте қўл остида ўйнаган.
Хабарларга қараганда, "Барселона" "Интер" ҳужумчиси Лаутаро Мартинесга қизиқяпти. "Интер" эса бунинг учун Видални талаб қилиши мумкин. Бу эса ўз навбатида Каталония клубига ҳам қулай бўлиши айтилмоқда. Чунки Видалнинг қўшилиши Мартинес трансфери учун кетадиган харажатни 20-25 млн еврога камайтириши мумкин.
