OFK G‘arbiy mintaqada Chempionlar ligasining 4-tur uchrashuvlari kechiktirilgani haqida rasmiy xabar yo‘lladi.

Unga ko‘ra, «Paxtakor» o‘rin olgan "V" guruhida 4-tur bellashuvlari 6 aprel kuni bo‘lib o‘tmaydi. Kechiktirilgan bahslarning qachon bo‘lib o‘tishi haqida OFK keyinroq ma’lum qiladi. 6 aprel kuni "Paxtakor" Toshkentda Saudiya Arabistonining "Al Hilol" jamoasini qabul qilishi kerak edi. Biroq jahon bo‘ylab tarqalgan koronavirus pandemiyasi sababli o‘yin qoldirildi. Hozircha guruh bosqichining kechiktirilgan bellashuvlari qachon bo‘lib o‘tishi borasida bir qarorga kelinmadi. Faqat may oyida o‘tishi kerak bo‘lgan nimchorak final bahslari endilikda 17-18 va 24-25 avgust kunlari o‘tkazilishi belgilandi. Shu tariqa chorak final sentyabr, yarim final o‘yinlari esa oktyabrda bo‘lib o‘tadi. Final uchrashuvlari muddati noyabrda belgilangan holatida qolmoqda.

Eslatib o‘tamiz, "Paxtakor" o‘tgan ikki turda 6 ochko jamg‘argan holda o‘z guruhida peshqadamlik qilmoqda.