Turinning «Yuventus» klubi yarim himoyachisi Blez Matyuidi ayni paytda koronavirus kasalligini yuqtirib olganligi uchun karantinda saqlanmoqda. U o‘zini qanday his qilayotgani haqida gapirib berdi.
«Professional futbolchi bo‘lganligim sababli, sog‘lig‘imni doim nazorat qilib boraman, profilatik choralarni ko‘raman. Agar men shunday bo‘lmaganimda, ehtimol, koronavirusni yuqtirib olganimni kech bilgan bo‘larmidim.
O‘zimning misolim bo‘yicha men odamlarni koronavirusga qarshi kurashishga ilhomlantirmoqchiman. Men kuchliman. Ishonchim komilki, bir haftadan keyin ular mening butunlay sog‘ ekanligimni aytishadi.
Barchaning qo‘llab-quvvatlab turgani uchun rahmat aytaman», — dedi Matyuidi.
