Belarusning "Energetik-BGU" klubi bosh murabbiyi Vladimir Belyavskiy BATEga qarshi o‘yinda "dubl"ga erishgan Jasur Yaxshiboyev haqida o‘z fikrini bildirib o‘tdi.

— Yaxshiboyev uchrashuvdagi uchinchi golni urib, "xet-trik"ni rasmiylashtirishi mumkin edi, ammo ko‘p o‘tmay hisob 2:1ga o‘zgardi. G‘alaba qo‘ldan chiqishidan xavotir oldingizmi?
— Yo‘q. O‘tgan mavsumdan boshlab futbolchilarning imkoniyatlariga shubha qilmayman. Ular xato qilishi mumkin. Bu ularning yoshiga, hali o‘zaro kam o‘ynaganiga bog‘liq. Endi ular bir yoshga ulg‘ayishdi. Ular yangi darajaga chiqishlarini istayman. Ularda ishtiyoq yuqori.

— Yaxshiboyev haqida nima deya olasiz?
— U saviyali o‘yinchi. Uni qo‘lga kiritish borasida uzoq vaqt muzokara olib bordik. Tarkibimizda yana bir o‘zbekistonlik yaxshi yigit bor. U yaqinda kasal bo‘lib qoldi. Ularni kuzatib bordik. Yaxshiboyev Osiyoda taniqli futbolchi. Bunday o‘yinchi Belarusda yo‘q bo‘lsa kerak.

— U mavsum oxirigacha sizning jamoangizda o‘ynaydimi?
— Bizning jamoa shundayki, ertaga safimizda bu yigitlar bo‘lmasligi mumkin. Bizga shunchaki pul beradigan odamlar yo‘q. Munosib takliflar tushsa, o‘yinchilarni sotamiz. Boshqa o‘yinchilar qidiramiz. Biz shuning hisobiga yashaymiz. Ishimiz shunday iborat.