Ayni damda dunyo futbolida sovuq sukunat. Hammasi "Xitoyda ishlab chiqarilgan" balo –koronavirus tufayli. Ham milliy chempionatlar, ham yevrokuboklar qizg‘in pallaga kelgan bir paytda noming o‘chgur virus hammasini o‘zgartirib yubordi. Xo‘sh, koronavirus xavfi bizni hozircha qaysi to‘qnashuvlardan mahrum qilmoqda?
«Yuventus» — «Milan»
Italiya kubogida bu klublar to‘qnash kelishdi. "Milan" A seriyada omadsiz ishtirok etyapti hozircha, shu bois bor e’tiborini Kubokka qaratgan. Shuning uchunmi, "Milan" yarim finalning birinchi o‘yinida turinliklarga yaxshigina bosh og‘rig‘i bo‘ldi. Xabaringiz bor, "San-Siro"da Ronalduning penaltidag urgan goli mehmonlarni mag‘lubiyatdan qutqarib qolgandi. Turinda esa "Inter" gol urishi kerak. Qolaversa, aynan Turinda Ronalduni mag‘lub etib, musobaqadan chiqarib yuborish Zlatan uchun ajoyib chellenj edi.
«Napoli» — «Inter»
Antonio Kontening A seriya uchun rejasi hozircha ancha-buncha to‘siqlarga duch kelmoqda (milliy chempionatda "Yuventus"ga asosiy raqobatchi "Lasio" bo‘lib qolmoqda), Evropa ligasida esa klub "Ayaks"ni turnirdan chiqarib yuborgan "Xetafe"ga duch keldi. Kubokning birinchi o‘yinida esa "Napoli"dan uchralgan mag‘lubiyat. Vaziyatni o‘nglash kerak.
«Manchester Siti» — «Real»
Zidan – YECHL pley-offlarining qiroli, "Etixad"da undan nimadir kutish mumkin. Garchi birinchi o‘yinda Madridda "shaharliklar" ustun kelgan bo‘lsa-da, javob o‘yini oson bo‘lmasligini Gvardiola tushunib turibdi.
«Yuventus» — «Lion»
Bu o‘yin nega muhim, deysizmi? Chunki Chempionlar ligasi nimchorak finali birinchi o‘yinida "Yuventus" Fransiyada yutqazgan. Bu esa javob o‘yinidan oldin intrigani oshirib yubordi. Javob bahsida Ronaldu va uning jamoadoshlari osonlik bilan g‘olib bo‘ladi, deb o‘ylaysizmi? Yo‘q.
«Tottenxem» — «Manchester Yunayted»
Mourinyo sobiq jamoasiga qarshi. Ayni damda inqiroz yoqasida turgan "shporlar" bosh ko‘tarishga biroz qiynalayotgan "qizil iblislar"ga qarshi. Qiziq jang, axir bu APL.
Koronavirus xavfi ortda qolgach, bu va boshqa o‘yinlarni guvohiga aylanishdan umidvormiz.
Nizomjon ISLOMOV tayyorladi.
