Kataloniyaning «Barselona» va Ispaniya terma jamoasi sobiq futbolchisi, ayni paytda faoliyatini Yaponiyaning «Vissel Kobe» klubida davom ettirayotgan Andres Inyesta muxlislarga koronavirusga qarshi kurashishda qoidalarga rioya qilish kerakligini bildirdi.
«Har bir inson koronavirusga qarshi kurashda o‘z hissasini qo‘shishi kerak. Endi hamma meni pul haqida gapiryapti deb o‘ylayotganini tushunaman. Hamma ham moliyaviy imkoniyatga ega emas.
Nima qilish mumkin? Masalan, shifokorlarga yordam bering. Agar qo‘rqsangiz hech bo‘lmaganda barchani uyda o‘tirishga chaqiring, yoki do‘konlarga o‘zi bora olmaydiganlarga oziq-ovqat olib kelib berishda yordamlashing. Yordam berishning ko‘plab usullari bor. Bunday paytda barchamiz birlashishimiz shart.
Hozir aholining eng qimmatli toifasi bu - shifokorlar. Men allaqachon ispaniyalik shifokorlarga kerak bo‘lgan narsalar bilan qiziqib, maxsus jihozlarni sotib olish uchun fondga pul o‘tkazdim», — dedi Inyesta.
