Каталониянинг «Барселона» ва Испания терма жамоаси собиқ футболчиси, айни пайтда фаолиятини Япониянинг «Виссел Кобе» клубида давом эттираётган Андрес Иньеста мухлисларга коронавирусга қарши курашишда қоидаларга риоя қилиш кераклигини билдирди.
«Ҳар бир инсон коронавирусга қарши курашда ўз ҳиссасини қўшиши керак. Энди ҳамма мени пул ҳақида гапиряпти деб ўйлаётганини тушунаман. Ҳамма ҳам молиявий имкониятга эга эмас.
Нима қилиш мумкин? Масалан, шифокорларга ёрдам беринг. Агар қўрқсангиз ҳеч бўлмаганда барчани уйда ўтиришга чақиринг, ёки дўконларга ўзи бора олмайдиганларга озиқ-овқат олиб келиб беришда ёрдамлашинг. Ёрдам беришнинг кўплаб усуллари бор. Бундай пайтда барчамиз бирлашишимиз шарт.
Ҳозир аҳолининг энг қимматли тоифаси бу - шифокорлар. Мен аллақачон испаниялик шифокорларга керак бўлган нарсалар билан қизиқиб, махсус жиҳозларни сотиб олиш учун фондга пул ўтказдим», — деди Иньеста.
