"Eng ko‘p berilayotgan shu savolga aniq javob beradigan kimdir yo‘qligini aytmoqchi edim. Menda javob yo‘q, direktorimda ham, undan teparoqdagisida ham. Holat shundayki, vaziyat o‘nglanishi bandasining qo‘lida emas", deya xabar tarqatdi O‘zbekiston professional ligasi bosh direktori o‘rinbosari Diyor Imomxo‘jayev o‘zining telegramdagi kanali orqali.

"Biz albatta RUXSAT degan xitobni kutamiz. Ammo undan muhimrog‘i, barchamizning salomatligimiz", — deya qo‘shimcha qildi u.

P.S. Haqiqiy professional futbolchilar chempionat davom ettirila boshlagach ko‘rinadi. Ular o‘z formasini lozim darajada ushlab tura olmasligi kundek ravshan. Ammo shunday bo‘lsa-da, o‘zini qo‘yib yubormagan va nima qilib bo‘lsa-da, formasini ushlayotgan futbolchilarga keyinroq maydonda oson bo‘ladi.