Rossiyalik mutaxassis Anatoliy Bishovesning fikriga ko‘ra, Rossiyaning ko‘plab klublari Yevrokuboklarda o‘ynashga tayyor emas.
«Ishonamanki, «Zenit» chempionlikni qo‘lga kiritadi. Lekin, YECHLga yo‘llanma beradigan o‘rinlar uchun kurash keskin kechadi. O‘ylaymanki, so‘nggi turgacha hech narsa hal bo‘lmaydi. Ko‘plab klublar Yevrokuboklarda o‘ynashni orzu qilishmoqda, ammo, ularning aksariyatini sharmandalik kutib turibdi. Afsuski, mening so‘zlarimni ko‘plab klublarimizning ko‘rsatgan natijalari tasdiqlab turibdi. Bizning jamoalar o‘zlarini faqatgina ichki chempionatda ko‘rsata oladi.
«SSKA» klubi avlodlar almashinuviga tayyor emasdi. Muvaffaqiyatsizlik uchun "Harbiylarning" murabbiylarini yoki futbolchilarini alohida ayblamayman. Ular faqatgina bir lahzali natija uchun javob berishga qodir, undan ortig‘iga tayyor emas», — dedi Anatoliy Bishoves.
