"Yuventus" rasmiy bayonot berib, unda bosh murabbiy Maurisio Sarri va futbolchilar, shu jumladan Krishtianu Ronaldu bilan koronavirus tufayli to‘lovlarni kamaytirish bo‘yicha kelishuv to‘g‘risidagi ma’lumotni tasdiqladi. Bu Turin klubiga taxminan 90 million yevro tejashga yordam beradi. Jamoa 4 oy davomida – aprel, may, iyun va iyul oylarida ish haqini olmaydi, ammo mavsum yana tiklansa, kelishuv qayta ko‘rib chiqiladi.

"Yuventus"ning xabar berishicha, sport musobaqalariga xalaqit beradigan global sog‘liq muammosi tufayli futbolchilar va asosiy jamoa murabbiyi bilan mavsumning qolgan qismidagi mukofotlari to‘g‘risida kelishuvga erishilgan.

Kelishuv 2020 yil mart, aprel, may va iyun oylari uchun oylik to‘lovlarga teng to‘lovlarni kamaytirishni ko‘zda tutadi. Kelgusi haftalarda, qoidalar talab qilganidek, individual bitimlar tuziladi.

Agar joriy mavsumdagi sport musobaqasi yana davom etsa, tomonlar to‘lovlarni oshirish to‘g‘risida kelishib olishadi. "Yuventus" barcha qiyin vaziyatlarda mas’uliyatni his qilgani uchun futbolchilar va murabbiyga minnatdorchilik bildiradi", – deyiladi klub rasmiy bayonotida.