«Jenoa» klubining makedoniyalik futbolchisi Goran Pandev Joze Mourinyo bilan birga "Inter" klubida ishlagan yillarini esga oldi.
Goran Pandev «Inter» tarkibida 2010 yildan 2011 yilgacha o‘ynagan. O‘sha yili «neradzurrilar» trebl qayd etgandi. O‘sha mavsum Joze Mourinyoning ajoyib damlari o‘tgan edi.
«Ehtimol, o‘sha mavsum professional futbolchilik faoliyatimdagi eng yorqin mavsum bo‘lgandir. Men Mourinyo bilan juda kam vaqt ishlaganman, ammo, barcha sovrinni birga yutganmiz.
Joze – samimiy inson, juda sodiq, ammo, qattiqqo‘l murabbiy.
Garchi, yoqimli bo‘lmasada Mourinyo doimo yuzingizga gapiradi. Ba’zan u omma oldida ataylab keskin tanqid qiladi. Chunki, aksariyat futbolchilar bunday tanqidlarni ko‘tara olmaydi va o‘z ustilarida yanada ko‘proq ishlashni boshlaydi», — dedi Pandev.
