«Женоа» клубининг македониялик футболчиси Горан Пандев Жозе Моуриньо билан бирга "Интер" клубида ишлаган йилларини эсга олди.

Горан Пандев «Интер» таркибида 2010 йилдан 2011 йилгача ўйнаган. Ўша йили «нерадзуррилар» требл қайд этганди. Ўша мавсум Жозе Моуриньонинг ажойиб дамлари ўтган эди.

«Эҳтимол, ўша мавсум профессионал футболчилик фаолиятимдаги энг ёрқин мавсум бўлгандир. Мен Моуриньо билан жуда кам вақт ишлаганман, аммо, барча совринни бирга ютганмиз.

Жозе – самимий инсон, жуда содиқ, аммо, қаттиққўл мураббий.

Гарчи, ёқимли бўлмасада Моуриньо доимо юзингизга гапиради. Баъзан у омма олдида атайлаб кескин танқид қилади. Чунки, аксарият футболчилар бундай танқидларни кўтара олмайди ва ўз устиларида янада кўпроқ ишлашни бошлайди», — деди Пандев.