Italiyaning «Breshia» klubi prezidenti Massimo Chellino A Seriyani tiklanishiga qarshi ekanligini ma’lum qildi.

— Biz insonlar salomatchiligini va futbol tizimini saqlab qolishimiz kerak. Biz hozir epidemiyaning markazida turibmiz va ko‘chada halok bo‘lganlarni tashib yurgan juda ko‘plab mashinalarni uchratish mumkin. Agar bizni futbol o‘ynashsa majbur qilishadigan bo‘lishsa, men jamoamni olib chiqib ketishga tayyorman. Bizga texnik mag‘lubiyat yozishsa ham rozimiz. UYEFA ma’suliyatsiz tashkilot. Ular faqat sovrinlar va moliyaviy manfaatlarini o‘ylaydi. Agar biror bir foydali ish qilishni xohlasangiz shamollatish apparatlarini sotib oling, — Chellinoning so‘zlaridan iqtibos keltirmoqda La Gazzetta dello Sport.