UEFA YECHL-19/20 mavsumini avgust oyi oxirigacha yakunlamoqchi, shu sababli, reglamentga o‘zgartirish kiritishni o‘ylamoqda.
Yevropa Chempionati 2021 yilgacha qoldirilgani sababli, UEFA uchun YECHLni yakunlash imkoniyati tug‘ildi. Angliya OAVsining ta’kidlashicha, UEFA ichki chempionatlarni 3 avgustga qadar yakunlamoqchi va shundan so‘ng qisqartirilgan tartibda YECHL o‘yinlarini o‘tkazishni rejalashtirmoqda.
Bu mini-turnir bo‘ladi, biroq hali reglament haqida ma’lumot berilmayapti. Yevropa Ligasi ham mana shunday tartibda o‘tkazilishi ko‘zda tutilmoqda. Ushbu mini-turnir qisqa muddat ichida, deyarli tanaffussiz o‘tkazilishi ko‘zda tutilgan.
UEFA yevrokuboklarning 1/8 va 1/4 final o‘yinlari qay tartibda o‘tkazilishi haqida hali ma’lumot bermadi.
Shuningdek, hozircha barcha o‘yinlar muxlislarsiz o‘tkazilish varianti ham ko‘rib chiqilmoqda.
