УЕФА ЕЧЛ-19/20 мавсумини август ойи охиригача якунламоқчи, шу сабабли, регламентга ўзгартириш киритишни ўйламоқда.
Европа Чемпионати 2021 йилгача қолдирилгани сабабли, УЕФА учун ЕЧЛни якунлаш имконияти туғилди. Англия ОАВсининг таъкидлашича, УЕФА ички чемпионатларни 3 августга қадар якунламоқчи ва шундан сўнг қисқартирилган тартибда ЕЧЛ ўйинларини ўтказишни режалаштирмоқда.
Бу мини-турнир бўлади, бироқ ҳали регламент ҳақида маълумот берилмаяпти. Европа Лигаси ҳам мана шундай тартибда ўтказилиши кўзда тутилмоқда. Ушбу мини-турнир қисқа муддат ичида, деярли танаффуссиз ўтказилиши кўзда тутилган.
УЕФА еврокубокларнинг 1/8 ва 1/4 финал ўйинлари қай тартибда ўтказилиши ҳақида ҳали маълумот бермади.
Шунингдек, ҳозирча барча ўйинлар мухлисларсиз ўтказилиш варианти ҳам кўриб чиқилмоқда.
