Ispaniyaning "Selta" klubi rahbariyati rossiyalik hujumchi Fyodor Smolovning o‘z yurtiga qaytishiga ruxsat bermagan ekan deya xabar bermoqda AS.
5 aprel kuni 30 yoshli hujumchi karantin qoidalarini buzgan holda Rossiyaga qaytgandi. Smolov klubning karantin qoidalarini buzgan ikkinchi futbolchi hisoblanadi. Birinchisi daniyalik Pione Sisto sanaladi. Rossiyalik hujumchining so‘zlariga qaraganda, u klub rahbariyatidan ruxsat olgan.
Manbaning yozishicha, Smolov Ispaniyadan tashqariga chiqish uchun klub rahbariyatidan ruxsat olmagan va o‘zboshimchalik bilan mamlakatni tark etgan.
Qayd etilishicha, futbolchining ushbu harakati uchun katta miqdorda jarima kutib turibdi. Biroq, avvalroq aytilganidek, futbolchi aytilgan vaqtda Ispaniyaga yetib keladigan bo‘lsa, u holda jarima miqdori kamaytirilishi mumkin.
