Samaraning "Krilya Sovetov" klubi darvozaboni Sergey Rijikov faoliyatining qolgan qismini Yevropada o‘tkazish niyatida ekanligini tan oldi.
"Kelajakdagi faoliyatim uchun hech qanday cheklovlar qo‘ymayman. Samara bilan tuzilgan shartnomam 31 may kuni yakunlanadi. Futbol o‘ynashga xohish kuchli, bunga sog‘lig‘im ham qarshilik qilmaydi. O‘yinimni ko‘rsatishim qoldi, xolos. Mashg‘ulotlarda ishtirok etish va o‘ynash yoqadi. Futbolni sevaman, eng asosiysi shu. Men jamoadagi futbolchilarga o‘rnak bo‘lishni istayman. Mening motivasiyam - futbolni sevish va tushunish. Albatta, Yevropada o‘ynashni xohlayman. Garchi, elit ligalarda bo‘lmasada, Segunda yoki ikkinchi Bundesligada. Agar futboldan keyingi hayotimni ham futbol bilan bog‘lashni xohlasam, u holda murabbiy bo‘lishni istayman. Men u yerda hamma narsa qanday tartibga solinganini ko‘rmoqchiman", - dedi Rijikov.
Darvozabon butun faoliyatini Rossiya klublarida o‘tkazdi. U 2008 yildan 2018 yilgacha Qozonning "Rubin" jamoasi sharafini himoya qilgan.
Rijikov shu yili 40 yoshni qarshi oladi. Uning yoshiga qaramay, "Krilya Sovetov" klubidagi statistikasi ajoyib - autsayder jamoa tarkibida 19 ta uchrashuvda 22 ta gol o‘tkazib yuborgan
