Самаранинг "Крылья Советов" клуби дарвозабони Сергей Рыжиков фаолиятининг қолган қисмини Европада ўтказиш ниятида эканлигини тан олди.

"Келажакдаги фаолиятим учун ҳеч қандай чекловлар қўймайман. Самара билан тузилган шартномам 31 май куни якунланади. Футбол ўйнашга хоҳиш кучли, бунга соғлиғим ҳам қаршилик қилмайди. Ўйинимни кўрсатишим қолди, холос. Машғулотларда иштирок этиш ва ўйнаш ёқади. Футболни севаман, энг асосийси шу. Мен жамоадаги футболчиларга ўрнак бўлишни истайман. Менинг мотивациям - футболни севиш ва тушуниш. Албатта, Европада ўйнашни хоҳлайман. Гарчи, элит лигаларда бўлмасада, Сегунда ёки иккинчи Бундеслигада. Агар футболдан кейинги ҳаётимни ҳам футбол билан боғлашни хоҳласам, у ҳолда мураббий бўлишни истайман. Мен у ерда ҳамма нарса қандай тартибга солинганини кўрмоқчиман", - деди Рижиков.

Дарвозабон бутун фаолиятини Россия клубларида ўтказди. У 2008 йилдан 2018 йилгача Қозоннинг "Рубин" жамоаси шарафини ҳимоя қилган.

Рижиков шу йили 40 ёшни қарши олади. Унинг ёшига қарамай, "Крылья Советов" клубидаги статистикаси ажойиб - аутсайдер жамоа таркибида 19 та учрашувда 22 та гол ўтказиб юборган