Angliyaning "Manchester Yunayted" klubi va Angliya terma jamoasi himoyachisi Lyuk Shou sobiq jamoadoshi, ayni paytda "Milan" safida to‘p surayotgan Zlatan Ibragimovichning tajribasi haqida fikr bildirdi.
- U aqldan ozgan edi. O‘ylaymanki, Zlatan "Manchester Yunayted"ga kiyinish xonasida kerak bo‘lgan inson edi. U chindan ham iste’dodli futbolchi. Ko‘p futbolchilardan yoshi katta bo‘lishiga qaramay, yuqori saviyada o‘ynay olardi. U kiyinish xonasida ajoyib muhit yarata olardi. U juda ko‘p hazillarni bilar edi, biroq, qachonki nazoratdan chiqib ketsang, u darhol jiddiylashardi.
Zlatan — tug‘ma g‘olib. U o‘zini nafaqat rasmiy o‘yinda, balki, hatto mashg‘ulotlarda ham ko‘rsatishga harakat qiladi. Agar sen uning jamoasida bo‘lsang va mag‘lubiyatga uchrasang - u seni o‘ldiradi. U boshqa futbolchilarning o‘sishiga yordam berdi, chunki, u hech kimga xotirjamlikka berilishiga yo‘l qo‘ymasdi. Menimcha, jamoamizda uni hamma yaxshi ko‘rardi, — Shouning so‘zlaridan iqtibos keltirmoqda Goal portali.
